Nora isch ne Rottweiler- appizeuer mix und isch sit 6 Johr mini. Sie isch sit Weupeli bi üs im stau.

(ou wen dou chli angst hei gha vor ihre-)). SNora chunt geng mit mir mit cho rite und isch super pflege liecht!

Der Nero isch am Pädu sie Hung. Doch do ig nume so weni schafe lueg ig oube ou zu ihm. Ob jetz

eine oder 2-) Der Nero het sech mitlerwile sehr guet dra gwöhnt mit cho zritte und isch nes mega

schätzli worde. Er meint nume no zwüsche düre das er schneuer isch aus nes ross.

Ner geits äntlich los!! Us erst göimer go dRoss fuehre! Das fägt geng am meiste wou sie de nid uf üs luegt und mer über au hi cheü go luege was aus so neüs git ufem Hof….de chunt aber oube scho gli der Papi üs cho zäme Samle und mir miese i Stau go luege ob mer no öpis cheü häufe…Ner geits los und mir cheü üsi morge Rundi starte. Nach 45 minute simer de oube wieder dehei und mir hei mega Hunger!!

Doch mir wüsse genau was ner passiert! Mir becheme im Zwinger zfrässe und sMami und der Papi die sech vo üs verabschiede. Nachem frässe simer zerst mou trurig und luege ob öper chunt wen mer hülle. Doch es chunt nie öper und mir gö go schlofe…Der Nero i sini Kuscheligi Houzbox und ig ufs Sofa.

Dört blibe mer bis am haubi 12 i und ner miese mer ganz guet lose wens Outo zueche fahrt vo

Üsem Mami. Wensi de chunt miese mer ihre no schneu Zit gä. De ghöre mer irgend nes Ross ume loufe und de chas nüm lang go bisi chunt…

Ner geits los!! Sie chunt üs cho hole….juhui….am liebste würde mer se oube frässe…doch irgendwie het sie oube nid so freüd wen mer se so betränge….Mir sie eifach geng mega gspant was mer mache….mengisch göi mer eifach go loufe, oder mit träfe üs mit angerne hüng, oder mir göi mitem Outo furt. Doch am Beste isch wen mer göi go rite oder sogar göi go Bädele-) de cheümer üs oube gar nüm berueige.

Doch am 13.15 isch der gspass ferbi und mir miese wider i Zwinger. (emu a dene täg wo üses mami muess go schafe). Wens schön isch spert sie üs oube i üse use uslouf und seit so frech das mer soue i Rase go lige und chli dSunne gniese. Derbi weiss sie jo gar nid was mer oube

Für sache mache wen sie nid ume sie!

Ig due am liebste Löcher Budle und Müsli sueche und der Nero duet am liebste mir zueluege und mi nerve. Ner muess er sech geng dri go weuze und mis loch isch wider kaput….-(

Ner isch der Nomi schneu düre gange und üses Mami oder Papi chunt üs cho use hole!(ig warte oube lieber ufs Mami und due ume motze. Doch isch oube ganz lustig wen der Papi meint ig blibe bi ihm und de springi hei-)

De göimer schneu nes chlises Ründeli go dräie was mer ner mit i Stau cheü.

I de meiste fäu göimer grad mitem Sambuco ider der Isa go rite. Nachem rite diemer no heufe miste. Das isch geng am schönste wen mer über all cheü go luege ob nochli herts brot ume ligt oder schüsch öpis wome cha frässe. Ig muess nat. ou luege das niemer i Stau chunt wo nid here ghört. Mengisch isch das richtig astrengend!!!

Ner chunt der schön Teil vom Tag…mir gö alli zäme no ne schöni Rundi go dräie und mir werde geng ganz fest Knudlet und drückt!!

Wen mer hei cheme göimer geng grad d